17-18 декабрьыште Саранскыште Российысе финн-угор калык-влак ассоциацийын VII погынжо эртен. Тушто Марий Эл гыч 10 еҥан делегаций пашам ыштен. Чылажге Погынышто Россий кумдык гыч 20 марий еҥ лийын.

Погыным АФУН-ым вуйлатыше Петр Тултаев вӱден. Делегат-влакым Мордовий Республикым вуйлатыше А. Здунов саламлен.

Финн-угор кундемла гыч делегат-влак лӱм дене кажне калык деч еҥ-влак шочмо йылме дене ойленыт. Марий-влак лӱм дене докладым АФУН-ын марий пӧлка вуйлатышыже С.Ф. Пехметова ыштен.

АФУН-ын председательжылан ик йӱк дене Пётр Тултаевым сайлыме. Тыгак 51 еҥан советым ойырымо.

Марий калык гыч советыш 7 еҥ: Э. В. Александров, М. З. Васютин, Л. Н. Яковлева, С. Ф. Пехметова (Марий Эл), А. И. Макаров (Виче), В. Г. Ялаев (Пошкырт), Н.Н. Ябекова (Урал) да ревизионный комиссийыш Л.Я. Григорьева (Марий Эл) сайлалтыныт.

Кумданрак «Марий сандалык» журналын черетан номерыштыже лудса.