Пагалыме марий калык! Тиде волгыдо пайрем кечын чыландамат Марий автономийлан 95 ий темме дене салмалем!

1920 ий 4 ноябрьыште Марий Калыкын Автономный Областьшым ыштыме нерген Москваште Декретым подписатлыме.

Марий автономийым ыштымаш калыкнан илышыжым, вияҥме корныжым палынак сай могырышко вашталтен. Декрет марий-влакым пычкемыш гыч волгыдо илышыш луктын. Тунамак шкенан Марий Элнам ыштыме, калыкнан кöргö вийжым пеҥгыдемдыме шотышто ятыр ошкыллан вийым мумо. Тудо пагытыштак школлаште марий йоча-влакым кумдан туныкташ тÿҥалме, марий сылнымутым вияҥден колташ сай негызым пыштыме, театр-влакым почмо, газет ден журнал-влакым шочмо йылме дене лукташ тÿҥалме. Кызыт марий-влак моло калык дене тöр праван улыт да пÿтынь Россий мучко чыла гаяк сферыште чолгалыкым ончыктен шогат. Тидын дене ме кугешнен кертына.

Илыш дечын порыжым шÿм-чоныш налын, удажым öрдыжкö шÿкалын, Марий автономийлан тауштен, ынде 95 ий шкенан Марий Элыштына чон канен илена да пашам ыштена. Тачысе кечылан кажне марий еҥын чоныштыжо ик шонымаш — тек Марий кундемна утыр вияҥеш да у тÿсым налеш. Тидын верч уло моштымашым да уш-акылым пыштен тыршена.

Пагалыме марий калык! Эше ик гана чыландамат кугу пайрем дене саламлем да ончыкыжымат шкенан автономийнам саклаш, пошкудо ден йолташым пагалаш, шочмо йылмынам да кугезе йÿланам аклаш ӱжам. Чылаландат пеҥгыде тазалыкым, кужу ӱмырым, вашла пагалымашым да пиалым тыланем. Тек Марий Элна ончыкыжымат пеледеш да тӱзлана, а калыкна утыр куатле да икоян лиеш!

Пайрем дене!

Марий Оньыжа А.Н.Иванов.