Оршанке кундемысе туныктыш аланыште тыршыше-влак ече дене таҥасымашыш ушненыт.
6 вӱдшорын Оршанкысе кресаньык паша да илыш-йӱла тоштер ончылан ече таҥасымаш эртен. Тудо 52 участникым ушен.
Нунын коклаште районысо школлаште туныктышо, школ директор, йочасад воспитатель да туныктыш пашан ветеранышт.
![](http://mer-kanash.ru/wp-content/uploads/2021/03/Оршанка1-1024x768.jpeg)
Эн кугырак участниклан, Камаев Сергей Леонтьевичлан (Кугу Ӧрша ял) 75 ий, изираклан, Майорова Полиналан (Марково школ) — 7 ий.
Ӱдырамаш-влак тӱрлӧ ийготан-влак коклаште таҥасеныт (20-34 ияш, 34-43 ияш, 44-52 ияш), пӧръеҥ-влак (22-48 ияш, 48 да ветеран-влак).
Сеҥыше-влак диплом, пӧлек да медаль дене палемдалтыныт.
Ече дене таҥасымаш марий куштымаш дене мучашлалтын.
![](http://mer-kanash.ru/wp-content/uploads/2021/03/Оршанка3-768x1024.jpeg)
Оршанке районышто Мер Каҥашын еҥже Г. Тоймакова
Обсуждение закрыто.