Мер Каҥаш «Марийский мир-Марий сандалык» журнал дене пырля «Тукымвож» конкурсым увертара. Ушныза.

Положений

1. Тӱшка положений-влак
1.1. Шке тукым нерген возымо паша-влак конкурс Марий Эллан 100 ий теммылан пӧлеклалтеш.
1.2. Конкурсын организаторжо — «Марийский мир-Марий сандалык» журналын редакцийже.
1.3. Конкурсын цельже: еҥ-влакым шке элым, тукымым, ешым йӧраташ-пагалаш-перегаш туныктымаш;
1.4. Конкурсын задачыже: шочмо кундем, тукым, еш нерген материал-влакым тоштерлаште, книгагудылаште, родо-влак коклаште кычалаш таратымаш.

2. Конкурсын участникше-влак
15 ияш гыч тӱҥалын, чыла еҥ ушнен кертеш.

3. Конкурсым эртарыме радамже
3.1. Конкурсыш марла возымо изирак очерк, эссе, сочинений сынан пашам вучена.
3.2. Ик автор 2-3 тукымвож нерген возен кертеш. Кажне пашаже посна ончалтеш да аклалтеш.
3.3. Пашан кугытшо: TimesNewRoman 14 шрифт дене 3-4 лаштык.
3.4. Журналыште эн сайын возымо статья але статья-влак печатлалтыт.
3.5. Паша-влакым 2021 ийыште апрель гыч сентябрь марте вучена. Тиддеч вара пурышо паша-влак огыт ончалт да огыт аклалт.

4. Пашам кузе аклена
4.1. Ойыртемалтше тукымым муын моштымашым.
4.2. Темым шот да рат дене ончыктымашым.
4.3. Авторын шке эмоцийжым, чонжым почын моштымыжым.
4.4. Стилистике, грамматике, орфографий да пунктуаций шотышто чын возаш тыршыман. Марий йылмын литератур нормыжым шотыш налман.

5. Конкурсыш пуымо паша деке йодмаш-влак
5.1. Возышын тукымлӱмжӧ (фамилий), лӱмжӧ да ачалӱмжӧ, шочмо жапше да шочмо верже ончыктымо лийже.
5.2. Пашан лӱмжӧ.
5.3. Могай источник-влакым кучылтмо: кугыжа архив, еш архив, посна еҥын ойлымыжо, легенде, «манеш-манеш» да тулеч моло.
5.4. Кылым кучаш телефон номерым да электрон адресым ончыктыман.

6. Сеҥышым палемдымаш
6.1. Сеҥышым жюри ойыра.
6.2. Сеҥыше диплом да окса премий дене палемдалтеш.

7. Паша-влакым тыгай адрес дене колтыман:
mochaev@bk.ru (журналын тӱҥ редакторжо Мочаев Валерий Александрович)

Тукымвож шомакым марла-рушла мутер-влак тыге умылтарат: корни, истоки родства, родословная, происхождение; родовая ветвь, линия родства, генеалогическая линия.