26 вӱдшорын У Торъял тӱвыра да каныме рӱдерыште Марий талешке кечылан пӧлеклалтше районысо интеллектуал марафон эртаралте.

Марафоныш 7 команде ушнен: «Немда шӱдыр» (Немда школ), «Кумыл апшат» (Кузнеч школ да тӱвыра пӧрт), «Марий сандалык» (Тошто Торъял школ), «Ужар талешке» («У Торъял), «Чумбылат тукым» (Кӱан Памаш школ да тӱвыра пӧрт), «Онар тукым» (Токтарсола школ),
« Изеҥер»(У Торъял школ интернат)

Марафонын участникше-влак Мер каҥаш вуйверын еҥже
Небогатиков Е.В. дене пырля талешке-влакын чапкӱ воктене вуйым савеныт да пеледышым пыштеныт.

Марафон кум ужаш гыч шоген: «Марий патыр-влак», «Марий йӱла» да «Марий тӱвыра».

Ӱчашымаште сеҥышыш лектыныт:
— кумшо вер: «Онар тукым» команде (вуйлатыше Рыбакова А.Г.),

— кокымшо вер: «Кумыл апшат» (вуйлатыше Шестаков С.И.)

— икымше вер: «Изеҥер» (вуйлатыше Чемекова Л.А.) сеҥен налын.

Сеҥыше-влаклан пӧлек шотеш «Марий сандалык» журнал-влак да
Нина Щербакован «Шӱмет шӱмемым паремда» книгаже кучыкталтын.

Пайремым У Торъял тӱвыра да каныме рӱдерын мурызыжо
Дмитрий Афанасьев да «Кечыйол» мурышо ансамбль
(вуйлатыше Смирнова Л.В.), Кугу Лумарий тӱвыра пӧртын
мурызыжо Юрий Садовин да «Ош ломбер» фольклор ансамбль
(вуйлатыше Порошина З.И.), Токтарсола школын тунемшыже-влак (вуйлатыше Садовина Е.Б.) полшеныт.

Марий калык шке талешкыже-влаклан эреак вуйым саваш тӱҥалеш.
Вет талешке-влак мемнан калыкнан лӱмжым чапландарат. Пашашт, кумылышт дене мемнам кугезына-влак гае тале, лӱддымӧ, лектышан, тӱвыргӧ сомылан лияш таратат.

У Торъял тӱвыра рӱдерын усталык паша шотышто методистше
Смирнова Л.В.