Марий Мер Каҥаш Вуйверын
ПУНЧАЛЖЕ

2019 ий, ӱярня тылзын 27-ше кечыже

Марий Эл, Медведево, 2-шо №-ан кыдалаш школ

1-ше йодыш. XI Марий самырыктукым слётым эртарыме нерген.

Е.А. Иванован докладшым колышт налмеке, Вуйвер тыгай пунчалым луктын:

А) XI Марий самырыктукым слётым Морко районысо Шоруньжа селаште 2019 ийын 8 гыч 13 июль марте эртараш.

Б) Марий Элысе районлаште, тыгак марий-влакын тӱшкан илыме кундемлаште верысе самырыктум слёт-влакым эртараш.

В) Медведево районысо самырыктукым слётым ага тылзын Руш Кукмарий школ пелен эртараш. Верысе слётышто Россий кӱкшытан слётыш 5 делегат деч утла чолга самырык ӱдыр-рвезым ойыраш. Вуйыншогышо-влак – Мер Каҥаш деч В.А. Мочаев, Медведево район деч А.Л. Иванов.

Г) Тиде пунчал дене чыла Мер Каҥашын еҥже-влакым палдараш. Вуйыншогышо В.А. Мочаев.

2-шо йодыш. 10-шо Марий калык Погынысо Резолюцийым Медведево районысо марий активын шуктымо нерген.

А.Л. Ивановын докладшым, И.Г. Васильеван да Т.Л. Шведцован содокладыштым, прений годым выступатлыше-влакым, тыгак Вуйверысе еҥ-влакын акым пуымыштым колышт налмеке, тыгай пунчалым лукмо:

А) Верысе активын пашам сайлан шотлаш.

Б) Йочасадыш кошшо икшыве-влакым марий йылме деке шӱмаҥдаш манын воспитатель-влакын районысо методобъединенийым чумыраш (мутлан, «Марий ончен-куштышо — Марийский воспитатель»).

В) Марий йылмым арален кодымаште еш кугу вийым налеш. Марий йылмым вияҥдаш манын верысе активлан марий еш-влак дене пашам вораҥдаш.

3-шо йодыш. Марий талешке кече вашеш паша план.

Марий талешке кече вашеш эртаралтше мероприятий-влак дене Марий тӱвыра рӱдер вуйлатышын алмаштышыже, Мер Каҥашын еҥже Л.И. Кошкина палдарыш. Россиийысе кумдыкышто илыше марий активлан шке верыштышт Талешке кечылан пӧлеклалтше пашам виктараш. Фото-видео да моло материал-влакым отчёт семын Мер Каҥашыш колташ.

4-ше йодыш. Марий Мер Каҥашын 2019 ий 2-шо кварталлан паша план.

2-шо кварталлан паша план дене келшаш. Пурышо темлымаш-влакым шотыш налаш.

Марий Мер Каҥашын председательже Э.В. Александров.

Фото-влакым «Вести» газет редакций деч налме.