Пагалыме йолташ!

          «Марий сандалык – Марийский мир» журнал лекмылан 10 ий темын. Моло печатный изданий деч журнал шуко дене ойыртемалтеш: кок йылме дене савыкталтше, ятыр фотосӱрет дене сӧрастарыме, «глянец» манме кагазыште лекше материалым пеш оҥай кидыште кучаш.

Содержаний могырым ончалаш гын, могай гына рубрике-влак уке улыт: «Йошкар-Ола – рӱдӧ ола», «Марий-влак Россий мучко илат», «Тиде мландыште илыме шуэш». Тидын деч посна, ӱдырамаш-влак «Саскавий» лаштыкым шергал, ӱдыр-рвезе-влак Самырыктукым слётын илыш дене палыме лийын, историйым йӧратыше-влак «Марла календарь», «Эртык» але «Авагашта» рубрикым лудын шинчымашыштым пойдарен кертыт.

2019 ийын «Марий сандалык – Марийский мир» журналын кум номерже лектеш: кок номер лектын, кумшо – декабрь тылзын. Яра ужалмаште нуным муаш огеш лий. Садланак ме «Электрон подпискым» темлена. Тендан электрон почтыш PDF-форматан журналын кок номерым колтена, кумшыжо – теле/декабрь тылзын!

Мом тидлан ыштыман?

Мобильный банк йӧн дене пайдаланен 8-906-139-15-07 номерыш 150 теҥгем пыштыман (журналысе редакцийын банкысе картыже лач тиде номер дене кылдалтын) да сообщенийыште фамилий,  лӱм да ачалӱмым палемдаш ида мондо.

Икымше подписчик уло – тиде «Марий Эл» газетын тӱҥ редакторжо Абдулов Александр Саликович. Тудак мыланна тиде ойым – электрон подпискым почаш темлен.

А буква лектын гын Я букважат лийшаш.

Айста журналым пырля лудына! 

Почешмут. Р буквалан икымше – Роюков, Т буквалан икымше – Тимиряева, П буквалан — Пьянкова. Моло буквам кӧ почеш?