2015 ий 24  мартыште  Киров кундем Кикнур район Шапта селасе школ пелен «Марий калык йӱлам аралыше-влак» теме дене Кикнур районын кечыже эртен. Тушко Марий Эл гыч уна-влак миен коштыныт. Тиде — Республикысе марий тӱвыра рӱдерым вуйлатыше Валерий Григорьев, Мер Каҥаш вуйвер исполком вуйлатыше Виктор Иванов, рӱдер пеленсе «У муро» вокал студийым да «Эркече» группым вуйлатше Геннадий Григорьев, «Марий Эл» газетын фотокорреспондентше Михаил Скобелев.

Кикнур районын кечыж кышкарыште кугыжаныш национальный политике, марий калыкын йылмыжым да тӱвырам, ты шотышто школ пашам, йӱлам шымлыме сомылым вияҥден колтымо нерген ойленыт. 1-4 класслаште тунемше-влаклан марий калыкын историйжым да йӱлажым шымлыме шотышто программе дене палдареныт.

Мутланымашке Валерий Григорьеват ушнен. Тудо Марий тӱвыра рӱдерын пашаж нерген каласкален, умбакыже пырля пашам ышташ кӱлмӧ нерген ойым нӧлталын. Тудын темлымашыжым верысе вуйлатыше-влак сайлан шотленыт да икмыняр шонымашым илышыш шыҥдарыме нерген пеҥгыдемденыт.

А Мер Каҥаш вуйвер исполком вуйлатыше Виктор Иванов Мер Каҥашын тӱҥ шонымашыже, тачысе пашаже да ончыкылык планже дене палдарен.

«Эркече» группым вуйлатыше, бард Геннадий Григорьев гитаре почеш муралтен.

Вашлиймаш фольклор кас дене мучашлалтын.

Автор: Эльвира Куклина.
Михаил Скоболевын фотожо.