2015 ий пеледыш тылзын 25 кечынже Йошкар-Олаште Мер Каҥаш вуйверын погынымашыже лие.

Мер Каҥаш вуйверын да ӱжмö еҥ-влак эн ончычак Регион-влак кӱкшытан «Пеледыш пайремым» эртарен колтымо пашам иктешлышт. Ты сомылым сайын шуктымылан шотлышт да умбакыжат тудым вияҥден колташ пунчальыч.

Тыгодымак вуйверын кумшо кварталлан паша кышкаржым пеҥдыдемдышт.  Лишыл жапыште, а чынракше, 8-12 июльышто Провой кундем Чакмарий Звенигово район район Красный Яр) школ пелен  Марий самырыктукымын Россий кӱкшытан VII слётшо лиеш.

Тиде Слётын темыже:  «Пушеҥгын вийже — вожышто, калыкын — у тукымышто». Паша ныл виктыш почеш чоҥалтеш: «Мер толкын», «Еш илыш йӱла», «Сылнымутчо» да «Самырык этножурналист».

Тыге кажне лужа (отряд) посна йодышым каҥашаш да шке корныж дене вияҥаш тӱҥалеш. Мучаште шке паша лектышышт дене палдарышаш улыт. Нуным тӱшка лекций, тӱвыра программе, тӱрлö сынан флешмоб, Провой кундем дене палдарыше экскурсий иктыш ушат.

Молгунамсе гаяк пашам виктарыше-влак Марий Элын чыла районжо, марий калыкын тÿшкан илыме кундемлаж гыч чолга ÿдыр-рвезе-влакым вучат.

Автор: Эльвира Куклина.