7-8 июльышто Марий Оньыжа, Марий Элысе Кугыжаныш Погын председательын алмаштышыже Анатолий Иванов Москошто Россий калык-влакын конгрессыштышт да Российысе калык-влак ассамблейын VI иктешлыме-сайлыме съездыштыже лийын.

Тиде ийын «Российысе калык-влакын асамблейышт» мер организацийым ыштымылан 15 ий темеш. 1998 ийыште шочшо организаций таче элыште национальный политикым вияҥдымаште моткоч кӱлешан, ик эн кугу граждан институт семын пашам ышта, тӱрлӧ калык кокласе кылым аралыме да пеҥгыдемдыме, нунын этнотӱвыра ойыртемыштым вияҥдыме сомылым шуктен шога.

Ассаблейын девизше: «Калык-влакын келшымашышт – Российын икоян улмыжо!». Тиде организаций элысе 200 наре калыкын еҥыштым ушен. Ятыр регионышто пӧлкаже-влак пашам ыштат. Мер-политик, шанче да усталык организацийла да тӱвыра тӧнеж-шамыч дене пеҥгыде кылым куча.

А Съезд годым пашам иктешленыт, Ассемблейын Уставшым угыч ончен лектыныт, организацийын Советшын составшым пеҥгыдемденыт.

Российысе калык-влакын ассамблейыштын советшым вуйлаташ Светлана Константиновна Смирновам сайленыт. Тудо эше «Мы – риссияне» толкыным вуйлата, политик наукын докторжо, тылеч ончыч Совет председательын алмаштыже лийын, а председательлан Рамазан Гаджимурадович Абдулатипов шоген – тудо ынде почётан председатель.

Съезд кышкарыштак Ассамблейын регионысо пӧлкажым да Российысе калык-влакын «Мы – россияне» молодёжь ассамблейыштым вуйлатыше-влаклан семинар эртен. Чылажат «Радуга России» национальный культур фестивальын гала-концертше дене иктешлалтын.