2015 ийыште Марий самырыктукымын Россий кӱкшытан VII слётшо 8-12 июльышто Марий Эл Республике Провой кундем Чакмарий (Звенигово р-н Красный Яр) школ пелен эрта.

Тиде слётын темыже: «Пушеҥгын вийже — вожышто, калыкын — у тукымышто». Пашанам ныл виктыш почеш чоҥена: «Мер толкын», «Еш илыш йӱла», «Сылнымутчо» да «Самырык этножурналист».

Тыге кажне лужа (отряд) посна йодышым каҥашаш да шке корныж дене вияҥаш тӱҥалеш. Мучаште шке паша лектышышт дене палдарышаш улыт. Нуным тӱшка лекций, тӱвыра программе, тӱрлö сынан флешмоб, Провой кундем дене палдарыше экскурсий иктыш ушат.

А Провой кундем самырыктукымым уло кумылын вуча, школат ямдылалтеш. Теве Слётым ямдылыше да эртарыше еҥ-влак 13 майыште Чакмарийыш миен коштна, верысе вуйлатыше-влак дене вашлийна. Тунам школ вуйлатыше Владимир Геннадьевич Кашков «ме чолга марий ӱдыр-рвезе-влакым кузе вашлийме нерген шонаш тӱҥалме, вет» ман ойлыш. Тугеже паша кая, Марий самырыктукымын у слётшо ончычсо семынак Марий Элын тӱрлö районжо ден марий калыкын тӱшкан илыме кундемлаж гыч ик эн чолга ӱдыр-рвезе-влакым угыч вуча.

Йодышда уло — возыза. Электрон почто: marislet@mail.ru але mer-kanash@mail.ru.

Пагагален, Эльвира Куклина, оргкомитетын еҥже.