XI Марий калык Погын марте кок тылзе кодын. 

Оргкомитет делегат да уна-влакым вашлияш ямдылалтеш гын, верлаште делегат-влакым сайлымаш паша шуйна, тудо 29 февральыште мучашлалтеш. Тиде сомыллан Марий Эл Республикын кажне районжо да олаже ушнен. Морко, Волжск, Звенигово район-влак пашам иктешленыт, кызыт Килемар, Курыкмарий районла шокшым кергалтен тыршат. 

Юрин район икымше гана делегатым сайлымашыш ушнен. 25 февральыште Буково тӱвыра пӧртыштӧ «Марийын илышыштыже Юрино район» конференций лиеш. 

Мер каҥашын еҥже-влакын ойлымышт почеш, делегат-влакым сайлымаш Карелий, Виче (Уржум, Лебяж, Малмыж), Угарман (Тонкино, Тоншай, Шаранге), Башкортостан (Балтач, Дюртюли), ХМАО-Юграште эртен. 

Пургыж тылзын 15 кечын — Казаньыште, 21 — Чебоксарыште, 22 — Тюмень, 27 — Ижевск, Сарапул, 28 — Уфа, Йошкар-Ола, 29 — Самара олала марий-влакым конференцийыш чумыра. 

Тырша Пошкырт кундемат. 69 чолга эрвелмарий-влакым вучена. 

— Янаул район (11 февраль, 14 шаг.), 

— Благовещенск ола (21 февраль, 18.30 шаг.), 

— Мишкан район (22 февраль, 10 шаг.)

— Караидель район (28 февраль, 11 шаг.)

Виче марий-влакат марийын ончыкылыкшо нерген шонат. 

— Пижанке да Кикнур (20 февраль), Яран (21 февраль), 

— Санчурск да Кильмез (26 февраль). 

— Тужа (28 февраль). 

Тора Свердлов кундем Арти (14 февраль) да Красноуфимск (15 февраль) эртарат.

Кызытсе кечылан Санкт-Петербург да Ленинград область, Моско да Моско область, Екатеринбург, Пермь кундем эртарыме нерген кечым палемден огытыл. 

Вучена, чолгарак лийза! 

X Марий калык Погыныш толшо делегат, эскерыше да уна-влак (2016 ий)