Сылне пайремда дене – Туныктышо кече дене шокшын-шокшын саламлем! Туныктышо мутшак ава манме гай ныжылгын йоҥгалтеш. Кö ок шарне парт коклашке икымше гана шичме татым? Кö монден кертеш икымше туныктышым? Кажне еҥым илыш корныш шогалме пагытыште туныктышо-влак эскерат да виктараш полшат.

Шинчымаш кече дене шокшын-шокшын саламлем. 1 сентябрьыште иктышт йочасадыш каят, весышт парт коклашке шинчыт. Тыгодым тендан шонымашда – у шинчымашым налаш, уш-акылым вияҥдаш, койыш-шоктышым пойдараш. Тачысе илышыште шинчымаш моткоч шергакан. Тудым ме окса дене огыл висышаш, а пеҥгыде ончыкылык дене кылдышаш улына. Туныктышо-влак, Тендан пашадам кӱкшын аклена. Ончычсо тунемше семын, а ынде ача лиймеке, Тендан …

Сылне пайремда дене шокшын-шокшын саламлем. «Пеледекш» марий калык фольклор ансамбль ынде 45 ий шочмо йылмынам, тÿвыранам, йÿланам аралаш полша. Тиде суапле пашам шуктен шогымылан моткоч кугу тау.

Шочмо кундем ял, ола, посна район гыч тӱҥалеш. 465 ий ончыч Угарман кундемыште  Черномуж ял шочын. Таче Те, тыште шочын-кушшо, илыше калык, ялын волгыдо шочмо кечыжым палемдеда. Кугу пайрем дене Марий Оньыжа семын Мер Каҥаш да чыла марий калык лӱм дене шокшын-шокшын саламлем.

Пеледыш пайрем – марий калыкын ик эн йӧратыме, кумдан палемдыме пайремже. Тудо шке йырже шуко еҥым чумыра, марий йылмынам, тӱвыранам да йӱланам аралаш полша. Тыгодым чыла тиде калык поянлыкым самырыктукым коклашке шараш йӧным ышта, нунымат кугезе йӱлам пагален илаш тарата. Шергакан марий калык, сылне Пеледыш пайрем дене уло кумылын саламлем. Пайремна веселан да пайдалын эртыже. …

 Мемнан Шочмо элна – ик эн виян, поян, мотор, кумда Россий! Тыште пÿртÿсат эн сылне, калык-влакат ваш келшен илат. Ме тиде эл дене кугешнена! Вет лач тыште шочын-кушкынна, илена. Тудым тÿзатымашке шке вийнам пыштен, кертмына да моштымына семын волгыдо илыш верч тыршена.