2016 ий 4 июньышто Киров кундем Пижан район Марий Ошай ялыште «Пеледыш пайрем» лиеш. Тиде кечынак Одо кундем Алнаш район Охотничий ялыште Семыкым палемдат. Нине пайрем дене Марий Оньыжа Эдуард Васильевич Александров саламла: — Пагалыме марий калык! Одо, Киров кундемлаште илыше марий-влакым да таче тушко толшо уна-шамычым Семык да Пеледыш пайрем дене саламлем.

2016 ий ага тылзын 23 да 24 кечылаштыже Йошкар-Олаште «Финн-угор калыкын поянлыкше» III тӱнямбал финн-угор студент форум эртыш. Тушко Германий, Франций, Австрий, Канада да эше Россий Федерацийысе 13 субъект да 22 туныктыш тӧнеж гыч толын коштыч. Тиде форум дене Марий Оньыжа саламлыш. — Шергакан финн-угор студент, аспирант, самырык шымлызе-влак! Тӱнямбал финн-угор студент форумын пагалыме унаже-влак! Марий …

12 майыште Марий Оньыжа Эдуард Васильевич Александровын шочмо кечыже. Тендам, Эдуард Васильевич, Мер Каҥашын еҥже-влак сылне пайремда дене шокшын-шокшын саламлена. Пеҥгыде тазалыкым, волгыдо пиалым, у деч у сеҥымашым, паша лектышым тыланена. Тыгаяк калык пагалыме еҥ лияш, воктенда ӱшанле йолташда-влак эреак лийышт. Ешда кушшо, пеледше, тӱзланыже. Чоныштыда ласкалык озаланыже, шинчада кече гаяк йӱлыжӧ. Волгыдо илыш корным! …

Шочмо кундем ял, ола, посна район гыч тӱҥалеш. 85 ий ончыч Параньга район шочын. Таче Те, тыште шочын-кушшо, илыше калык, районын волгыдо шочмо кечыжым палемдеда. Кугу пайрем дене Марий Оньыжа семын Мер Каҥаш да чыла марий калык лӱм дене шокшын-шокшын саламлем. Параньга район Марий Эл Республикын илышыштыже кугу верым налын шога. Шочмо кундемнам тӱзатымашке, вияҥдымашке …

Марий талешке кече дене уло кумылын саламлем! Кажне калыкын да саманын шке талешкыже уло. Марий калык ожнысек Чумбылатым, Полтышым, Мамич-Бердейым, Акпатырым, Акпарсым акла. Кодшо курымым налаш гын, Сергей Чавайным, Яков Майоров-Шкетаным, Иван Ключников-Палантайым, Яков ден Андрей Эшпаймытым, Тимофей Евсеевым, Иван Ивановым, Иван Галкиным порын шарнена. Тиде радамыштак Кугу Ачамланде сарын геройжо-влак улыт.

Пагалыме ÿдырамаш-влак! Марий Эл Кугыжаныш Погын да Марий Мер Каҥаш лÿм дене уло кумылын чыладамат Ӱдырамаш-влакын тÿнямбал кечышт дене саламлем! Курымла вошт кажне ÿдырамаш еш тулотым переген, икшывым ончен, нунын пиалышт верч тыршен. Кызытат те пÿтынь тÿнялан пеҥгыде кöргö вийым, чытымашым ончыктеда да айдеме тукымын ик эн мотор да ушан-шотан радамже лийын кодыда. Шкендан пашаче …