Сылне пайремда дене шокшын-шокшын саламлем.

«Пеледекш» марий калык фольклор ансамбль ынде 45 ий шочмо йылмынам, тÿвыранам, йÿланам аралаш полша. Тиде суапле пашам шуктен шогымылан моткоч кугу тау.

Таче Те сай кÿкшытыш шуында. Тендам Угарман кундемыште гына огыл, Марий Элыштат да моло вереат палат, аклат. Тиде кугешнымашым луктеш, куандара.

Чынже денак, кугезына-влакын фольклорыштым, пайремыштым, йÿлаштым аралаш да кызытсе пагытлан келыштарен мошташ манын, ятыр вий-куатым пыштыман. Тыгодым шÿм-чон яндарлык кÿлеш, пашам йöратыман. Тыге гына калык поянлыкнам тукым гыч тукымыш шарен кертына. Лач тыгай ура чонан, йÿлышö марий еҥ Те улыда.

Пашада эре ушнен толжо, кумылда эре кÿшнö лийже. Пиалан, таза лийза! Ваш-ваш келшен, полшен илыза, икте-весым аклыза.

Пайрем дене!

Пагален, Марий Оньыжа Э.В. Александров.