17 июньышто Йошкар-Олаште Пеледыш пайрем лиеш.

Икымше гана ты пайрем 1920 ий ага / май тылзын 27-ше кечынже Шернурышто лийын да Йошкар пеледыш пайрем маналтын. Тудым эртарымаште туныктышо, драматург Конаков Александр Фёдоровичын надырже моткоч кугу. А марий пайрем-влакым эртараш Пӱрӧ олаште эртыше Марий калыкын икымше съездыштыже палемденыт. А Краснококшайскыште Пеледыш пайрем 1923 ий 24 агаште / майыште эртен. Тудым чумырымаште да эртарымаште Чавайн, Шкетан, Шабдар, Палантай, Мухин, Ефремов да Куснылшо марий театрын актёржо-влак да молат чолган тыршеныт.

1996 ийыште республик кӱкшытан Пеледыш пайрем Российын кечыж дене иктеш эртаралтын. А кызыт тудо вес тӱсым налын да марий калыкын посна пайремже семын кажне ийын июньын кумшо шуматкечынже палемдалтеш.

Пеледыш пайрем программыже

Пӱнчер отысо Тумер аланыште

9.00 – «Агавайрем» — марий калыкын йӱла пайремже

В.И.Ленин лӱмеш тӱвыра полат ончылно (Машиностроитель урем, 22)

10.00 – Уна-влакым вашлийме «Уна алан».

11.00 – Таҥошкылмаш (Ленин лӱмеш тӱвыра полат деч Ленин площадь марте)

М.Шкетан лӱмеш Марий драмтеатр ончылно

11.45 – Регион-влак кокласе марий тӱвыра Пеледыш пайремым торжественно почмаш.

Тӱвыра да каныме рӱдӧ паркын Кеҥеж эстраде аланыштыже (Комсомольский урем, 124)

13.00 – «Марий муро – яндар йӱк» — Я.Эшпай лӱмеш Марий кугыжаныш филармонийын коллективыштын концертышт

14.30 – «Радужный мост» — Марий Эл Республикысе калык-влакын национальный тӱвыраштым ончыктышо концерт

17.00 – Марий кас

Тӱвыра да каныме рӱдӧ паркын Тулото аланыштыже (Комсомольский урем, 124)

13.00 – «Калык чон» фольклор программе

            Шӱвырзӧ-влакын фестивальышт

14.00 – Чимарий кучедалмаш да моло национальный спорт модыш-влак

 

Сеҥымашын ХХХ идалыкше лӱмеш тӱвыра полат ончылно (Первомайский урем, 109)

13.30 – «Пеледышлан – пеледыш» аршаш да пеледыш композиций конкурс

15.30 – «Марий ӱдыр» моторлык да мастарлык конкурс

17.00 – «Этнический мотив» — этнический модын коллекцийжым ончыктымаш

Патриарший площадь

11.00 – «Кеҥеж алан» театрализоватлыме йоча программе

14.30 – Сылнымут унагудо

16.00 – Я.Эшпай лӱмеш Марий кугыжаныш филармонийын «Сказания земли марийской» хореографический постановкыжо

17.30 – Этнофитнес

18.30 – Кастенысе пайрем концерт. Этнодискотеке

Тӱвыра да каныме рӱдӧ паркын аллейыштыже (Комсомольский урем, 124)

9.00 – Марий Эл Республикысе сӱретче-влакын «Пеледыш пайрем» пленэрышт

         «От традиции ремесла к национальному искусству» — кидмастар-влакын пашаштым ончыктымаш да ужалымаш, мастер-класс-влак

          Районласе мастарлык дене палдарыше «Кудо» выставке-конкурс

Чарла кремль

13.00 – «Пеледыш fest» туризм фестиваль: канышын тӱрлӧ чыла чияже

             «Этно в картинках» — кава йымалысе художественный галерей