Шергакан марий-влак!

Марий Мер Каҥаш лÿм дене чыладамат алал кумылын эрвелмарий-влакын кугу марий пайремышкышт савырныше — «Ший кандыра» фестиваль-конкурсшо — дене саламлем!

Ме палена: эрвелмарий-влаклан кандырам пунен куштымаш, чынжымак, кугу куаным конден да конда. Сандене «Ший кандыра» пайремлан тӱҥалтышым пыштымаште да тудым кажне ийын чумырен шогымаште полшышо чолга еҥ-влаклан Мер Каҥаш лӱм дене кугу таум каласем.

«Ший кандыра» фестиваль Пошкырт кундемыште ынде 2011 ий годсек кумдан палемдалтеш. Тышке Башкортостан, Удмуртий, Марий Эл, Татарстан Республикыла гыч, тыгак Киров, Угарман, Свердловск областьла гыч марий-влак кумылын ушнат. Пытартыш жапыште каласыме вершӧрлаштат «Ший кандыра» фестиваль-влак эртеныт. Марла кушталтымаште, чынжымак, марий калыкын тӱвыражын ямже почылтеш, вий-куатше шижалтеш. Тиде паша куштымо сымыктышнам кумда марий тӱняшке шараш полша.

Марий калыкын поянлыкшым ончыктышо «Ший кандыра» фестивальлан кужу ӱмырым тыланем да сымыктышнам ончыкыжымат кумда тӱняште, моло калык-влак коклаште волгалтареда манын ӱшанем. Рыскалан, ӱнаран лийза.

Пайрем дене!

Марий Оньыжа Александров Эдуард Васильевич.