Пагалыме марий калык!

Мер Каҥаш лÿм дене чыландамат алал кумылын шушаш У 2015 ий дене саламлем!

У ийыште шукынжо эртыше жапым шарналтат да тудын деч порыжым гына чоныш налын, у илышым чоҥаш тÿҥалыт: ешым погат, йочам ончен-куштен, пашалан туныктат да поро ончыкылыкым вучат. Тек чылажат лач тыгак лиеш да пÿрымашна куан шÿлыш дене волгалтеш. Кундемыштына илыше калыкым у ий тек поро паша дене куандара да вияҥме корныш ÿшанлын шогалаш вийым пуа.

Марий Элна у ийыште волгыдо кумылым налеш да у куат дене ончыко каяш тÿҥалеш манын ÿшаныме шуэш. Пÿтынь калыклан экономикыште, социальный да тÿвыра сферыште сеҥымашым гына тыланем. Тек кундемна мучко шукырак у тöнеж-влак почылтыт, сай пашаверым пуышо предприятий-влак ешаралтыт, яллаште у газ пуч ден асфальт корно-влак чоҥалтыт. А чыла нелылык тек шеҥгелан кодеш.

Пагалыме марий-влак! У 2015 ийыште кажне кече тыланда нимучашдыме чолгалыкым да пиалым кондыжо, чондам ласка кумыл вÿчкыжö да кажне волгыдо шонымашдам шуктен толжо. У ийыште марий калыкнан да пÿтынь Марий Элын пиалан ончыкылыкшо верч уло вий дене тыршаш ÿжам. Тек шочмо йылмына, марий тÿвырана да кугезе йÿлана калыкнан чоныштыжо сескемалт йÿлат да марий улмына дене кугешнаш таратат.

У ийыште чылаландат пеœгыде тазалыкым, кужу ÿмырым, вашла пагалымашым да пиалым тыланем. Тек у 2015 ий кажне ешыш улан, волгыдо илышым да чон ласкалыкым конда.

У ий дене!

 

Марий Оньыжа,
Марий Эл Кугыжаныш Погын
вуйлатышын алмаштышыже
Анатолий Николаевич Иванов