Шергакан йолташ-влак!

Волгыдо, куан кумылым У 2020 ий конда. Ме тудым чон вургыж вучена.

Ме, марий-влак, эн тошто калык улына. Кугезе коча-кованан ойжо почеш шкенам ончылно да кӱшнӧ кучышаш улына. Тиде койыш шоктышым XI Марий калык Погыныш чумыргышо калык дечат ужнена. Тек 2020 ийыште мемнан дене пырля онарлык, усталык да ушанлык лиеш.

У ий – еш дене пырля вашлийме пайрем. Лач ешыште марий койыш, йылме, йӱла аралалтеш. Тек тендан ешда тичмаш, родо-тукымда пиалан да таза лийыт. Самырыкше кугыракым пагалыже, кугыракше изиракым марий йӱла почеш илаш туныктыжо. Ваш-ваш эҥертен, полшен илыза. Тек кажне марий ешыште порылык да пагалымаш озалана.

Ме, марий-влак, тӱрлӧ кундемлаште илена, иктеш мемнам Марий Элна уша. Шочмо кундемна – марий кугезе вожын куатшым аралыше, тора вел гыч толшо унам вӱчкен, шулдыр йымакыже налше да ӱнарым пуышо вер-шӧр. 2020 ийыште тудо 100 ияш лӱмгечыжым пайремлаш тӱҥалеш. Тиде историйыш кугу кышам кодышо, куатле пайрем. Марий кундемна мемнан деч, шочшыжо-влак деч, вияш да чын корно дене наҥгайымым вуча. Паша кӱжгӧ, но иктыш ушнен, кундемна тӱзланыже манын, лым лийде тыршыман.

У ий дене! У пиал дене! Тек У ий кумыл чыла вере шарла, кажне еҥын  чонжым ырыкта!