Регион-влак кокласе марий тÿвыра фестивальым почмо дене шокшын саламлем да тÿвыргö паша лектышым тыланем.

Марий Талешке-влакым шарнымаш – суапле да кÿлешан паша. Тыге ме шке эртыме корнынам, историеш кышам кодышо-влакым сайынрак палаш тÿҥалына, самырыктукымымат патриот шÿлыш дене куштена. Таче Одо кундемыште шочын-кушшо, пашам ыштыше кок кугу Талешке ончылно вуйнам савена. Писатель Илья Ломберский (Токмурзин Илья Михайлович) «Миллион-влак» роман дене шукылан палыме. Тудо йоча-влакым туныктымо пашашкат кугу надырым пыштен. Туныктышо, завуч, директор семын тыршен да шкеж гаяк чулым эргым ончен куштен. Роберт Ильич Токмурзин педагог, краевед, журналист, библиотекарь лийын тыршен. Тудым Кугу Ачамланде сарын тале салтакше семынат аклыман.

Чолга еҥ-влаклан кöра тÿвыра пашат вораҥеш. «Висвис» фольклор ансамбль самырык 15 ияш гынат, таче тудым калык пала, акла да эреак уло кумылын вуча. Марий мурым, куштымашым, йÿлам аралымашке, вияҥдымашке надырым пыштымылан ансамбльым вуйлатыше Надежда Васильевна Токмурзиналан да тудын сылне коллектившылан кугу деч кугу тау.

Шергакан таҥ-влак, у деч у сеҥымашым, шуко сай лектышым! Тыште чумыргышо кажне еҥлан тазалыкым, пиалым, ласкалыкым тыланем. Пашада эре ушнен толжо.

Пайрем дене!

Пагален, Марий Оньыжа Э.В. Александров.

 2016 ий 3 декабрь