Марий тиште кече дене уло кумылын саламлем!

Марий калыкын икымше грамматикыже 241 ий ожно ош тÿням ужын. 1998 ий годсек Марий тиште кечым кугыжаныш пайрем семын палемдена. Вениамин Пуцек-Григорович, Павел Глезденёв, Иван Григорьевич Иванов, Лидия Петровна Васикова. Нине да моло лÿм эртыме корныштына кугу буква дене возалт кодыныт. Тачысе марий йылмым вияҥдымашке нуно кугу надырым пыштеныт. Кызытат ятыр шымлызе йылмынам, тиштынам арален, чыла тиде поянлыкым у тукымлан пуаш эре ямде.

Ӱшаныме шуэш, кажне ийын ты суапле пашашке самырык-влакат ушнен толыт. Икшывына, уныкана-влак, марла умылаш гына огыл, а лудаш, возаш тÿҥалыт. Марий еш институт вияҥ толшаш! Ача-ава, коча-кова икшывым марий йылме деке шÿмаҥден шогышаш.

Шергакан марий-влак! Ончыкыжымат шке калыкнам пагалаш, шочмо йылмынам аклаш, марий тÿвыранам йöраташ, кугезе йÿланам жаплаш ÿжам.

Кажне еҥлан пеҥгыде тазалыкым, кужу ÿмырым тыланем. Вашла пагален илыза. Пиалан лийза!

Пагален, Марий Оньыжа Эдуард Васильевич Александров.