Пагалыме марий калык!

Мер Каҥаш лÿм дене чыландамат алал кумылын шушаш у 2016 ий дене саламлем!

Эртыше ий мыланна ятыр сайжымат, нелылыкымат конден. Туге гынат тиде пайрем кечын у ийым ме кажныже у ÿшан дене тÿҥалына.

Марий калыкна шушаш ийыште у куат дене ончыко каяш тÿҥалеш, шонем. Вет илышнан кажне шöрыныштыжö — экономикыште, социальный да тÿвыра сферыште — тачысе кечылан мыланна лач сай лектыш да сеҥымаш кÿлыт. Тек марий тÿня мучко шукырак у тöнеж-влак почылтыт, сай паша верым пуышо предприятий-влак ешаралтыт, яллаште у газ пуч ден асфальт корно-влак чоҥалтыт. А чыла нелылык тек шеҥгелан кодеш.

У ийыште кажне кече нимучашдыме чолгалыкым да пиалым кондыжо, чондам ласка кумыл рÿпшыжö да кажне волгыдо шонымашдам шуктен толжо. Ончыкыжымат марий калыкнан тынысле да пиалан илышыж верч уло вий дене тыршаш ÿжам. Тек шочмо йылмына, марий тÿвырана да кугезе йÿлана калыкнан чоныштыжо сескемалт йÿлат да марий улмына дене кугешнаш таратат.

Шушаш ийыште чылаландат пеҥгыде тазалыкым, кужу ÿмырым, вашла пагалымашым да пиалым тыланем. Тек у 2016 ий кажне ешыш улан да волгыдо илышым, чон ласкалыкым конда да чолга койышнам вияҥда.

У ий дене!

Марий Оньыжа,

Марий Эл Кугыжаныш Погын

вуйлатышын алмаштышыже Анатолий Иванов.