Марий Мер Каҥаш лӱм дене алал кумылын чыландамат икымше шошо пайрем — ӱдырамаш-влакын тӱнямбал кечышт дене саламлем!

Шошо толмо дене пырля мемнан деке волгыдо 8 март пайрем толеш да пӱртӱсым помыжалтарыме семынак мемнан чонышто нимучашдыме ныжылгылыкым, волгыдо йӧратымашым, илышлан куаныме кумылым ылыжта.

Пагалыме марий ӱдырамаш-влак! Те шкендан моторлыкда, поро кумылда дене мемнам, пöръеҥ-влакым, утыр куатлым да талым ыштеда. Чолга, ӱшанле, еш пиал верч тыршыше койышда дене пÿтынь марий тÿням волгалтарен шогеда.

Лач тендан тыршымыда дене шочмо йылмына, тӱвыра поянлыкна да кугезе йӱлана кызыт мартеат мемнан чонышто илат. Тендан шокшо шӱм-чонда марий калыкланна илашыже да вияҥашыже вийым пуэн шога. Тау тыланда, пагалыме марий ӱдырамаш-влак!

Пайрем кечын чылаланда пеҥгыде тазалыкым, кужу ӱмырым, нымучашдыме да волгыдо йӧратымашым тыланыме шуэш. Тек тендам пÿтынь тÿня пагала да йӧрата, икшывыда-влак таза да поро кушкыт, а шошо кече тек куан кумылым пöлекла.

Пайрем дене!

Марий Оньыжа
А.Н.Иванов.