Пошкырт кундемысе Калтаса район Кокуш ялыште шочшо, а кызыт Нефтекамск олаште илыше чолга марий еҥ, «Чолман» газетын тӱҥ редакторжо Игорь Иванович Губаев 2015 ий 29 августышто 55 ийым тема. Тудым юбилейже дене уло кумылын Марий Оньыжа да Мер Каҥашын еҥже-влак саламлат.

Игорь Иванович мер пашаштат моткоч чолга: регион-влак кокласе Марий Мер Каҥашын еҥже улеш, илыме олаштыже марий еҥ-влакым чумырен шога, марий шӱлышым кӱшкӧ нӧлта. Тудо шочмо марий калыкшылан ятыр полшен шога: кеч-кунамат посна еҥын илыш пӧрдемжым умылен мошта, кертмыж семын неле-йӧсым сеҥаш йӧным кычал муаш тырша.

Мер Каҥашын еҥже-влак Игорь Ивановичым волгыдо пайремже дене шокшын саламлена да пеҥгыде тазалыкым, вий-куатым, шӱм-чон ласкалыкым, эреак кугу пиалым, сеҥымашым, кужу деч кужу ӱмырым тыланена.

Марий Мер Каҥаш лӱм дене Оньыжа А.Н. Иванов.