Марий Мер Каҥаш лӱм дене чылашдамат Шинчымаш кече дене шокшын саламлем. Школ пагыт кажне еҥын илышыштыже ик эн оҥай, весела да чытамсыр койышыж дене шарнымашеш кодеш. Тыгодымак чолгалыкым да пеҥгыде кöргö вийым йодеш. Вет лач тиде жапыште ончыкылык илышлан негыз пышталтеш.

2 сентябрьыште элна мучко чыла школ-влак шке омсаштым ӱдыр-рвезе-влаклан угыч почыт. Поснак шокшын икымше гана парт коклашке шичше икшыве-влакым саламлыме шуэш. Тиде кечын нине ӱдыр-рвезе-влаклан икымше гана школ йыҥгыр йоҥгалтеш. Лач тиде йыҥгыр шинчымаш тӱняшке омсам почеш.  

Саламмутым тыгак университет, колледж, техникум-влакын первокурсникыштлан, тыгак чыла студент-влаклан ойлем. Тек шинчымаш корныда волгыдо, оҥай да лектышан лиеш.

Туныктышо, образований системын пашаеҥже-влак тиде кечын ятыр поро шомакым колыт. Тендан пашада кугу пагалымашым-тауштымашым сула. Тыланда у сеҥымашым, у кӱкшытым, тунемше-влакын пагалымашым, ача-ава-влакын аклымашым тыланем.

Пайрем дене!

Марий Оньыжа

Александров Эдуард Васильевич