Шергакан марий калык!

Марий Мер Каҥаш лӱм дене тӱрлӧ кундемлаште илыше марий калыкын ик эн йöратыме да вучымо Агавайремже дене саламлем !

Шокшо шӱм гыч шолын лекше, яндар памаш гай йоген лекше, эр кече гай шыргыж лекше поро мутна Тыланда лийже, шергакан йолташ, родо да уна влак!

Агавайрем годым кугезына-влак шошо пагытын йÿла радамжым мучашленыт. Тудо шошо жапысе сомыл, у куат дене шÿлалтыше пÿртÿс да озанлык тургым дене пеҥгыдын кылдалтын. Агавайрем кечын кугезына-влак шурным ÿдымö пашан лектышыже сай лийже, мланде шке куатшым аралыже, шурно кушкыл сайын нöлталт кушшо да сай кинде шочшо манын, порын гына йодын кумалыныт.

Тачат кугезе пушеҥге деч вийым налын, ончыкыжымат марий йӱлам шукташ, марла мутланаш, тӱвыранам аклен-саклен шогаш да марий самырык тукымлан тидым туныктен, умылтарен кодаш ӱжам. Тек чыла марий ешлаште эреак умылымаш, пагалымаш да ласкалык озаланат. Таза лийза!

Агавайрем дене!

Марий Оньыжа Александров Эдуард Васильевич.