2017 ий кылме (декабрь) тылзын 13-шо кечынже Марий Эл Республикым вуйлатыше Евстифеев Александр Александровичын пунчалже почеш, Эльтеров Степан Дмитриевичым «За заслуги перед Марий Эл» орденын медальже дене наградитлаш пунчалым луктын.

Эльтеров Степан Дмитриевич Кужэҥер районысо Шӱшпык / Cоловьи ялыште шке ешыж дене ила. 65 ияш пӧръеҥ Кужэҥер – Салтакъял кугорнышто шочмо ялже дек кайыше кок километр корным лу ий ыштен. Тудлан наградым Евстифеев 19 декабрьыште Марий Эл Республикын Правительстве пӧртыштыжӧ правительствын тенийысе пашаж нерген отчёт нерген доклад-влакым колыштмо деч ончыч кучыктен. Корным ыштыме нерген шонымаш Степан Дмитриевичлан 2005 ийыште толын пурен. Тунам пӧръеҥ шке черле да шоҥго авайжым «Вашкеполыш» машинашке чодыра гоч луктын, вет машина Шӱшпык ялышке пурен кертын огыл. Корным ошма, кермыч да щебёнко дене оптен. Тидым налаш шке оксажым кучылтын. Ынде шошо-шыже лавыра годымат ты корно дене кудалаш йӧнан. А теле еда Степан Эльтеров шкежак корным лум деч эрыкта.

Марий Элым вуйлатыше, Степан Дмитриевичым саламлышыжла, Марий Эл Правительствын 2018 ийлан савыктыме календарьжын икымше экземпляржым лач Эльтеровлан кучыктен.

Снимкыште: Эльтеров Степан Дмитриевич ден Евстифеев Александр Александрович.