2017 ий шыжа тылзын 31-ше кечынже Марий Эл Республикым вуйлатыше Евстифеев Александр Александровичын пунчалже почеш, калык творчествым вияҥдымашке да тӱвыра ден каныме пашам ворандарымашке кугу надырым пыштымыжлан Яйцов Арсений Арсеньевичым «За заслуги перед Марий Эл» орденын медальже дене наградитлаш пунчалым луктын.

Тиде наградым Арсений Арсеньевичлан вуйлатышына 2017 ий 20 декабрьыште Чавайн лӱмеш национальный книгагудышто ты тӧнежлан 140 ий темме лӱмеш мероприятийыште кучыктен. Лачак ты кечын Чавайн лӱмеш книгагудышто Марий Эл Правительствын савыктен лукмо календарьжын пайремже эртен. Тылеч вара Евстифеев Яйцовлан наградым пижыктен да пӧлек шотеш лукмо календарьым кучыктен. Календарьын тӱжвал тӱсыштыжӧ – лач ты уста гармоньчын фоотсӱретше.

Яйцов Арсений Арсеньевич Курыкмарий район ялыште 1954 ий 25 декабрьыште Курыкмарий район Усола / Новая ялыште шочын. Сарапай / Сарапаево калык тӱвыра пӧртын хормейстержылан пашам ышта. Марий Эл Республик ден Россий Федераций культурын сулло пашаеҥже. Кундемыштына тудым «Играй, гармонь» Российысе фестивальыште лиймыж, поро кумылан концерт-влакым эртарымыж да тыгак кумдан палыме шӱдыр-влак дене войзалтмыж дене палат. Музыкант 2000 утла концертым яра ончыктен.