Шергакан марий калык!

Марий Мер Каҥаш лӱм дене Илалше-влакын пайремышт дене саламлем.

Неле пашаште ноялше, а таче шочмо элыште чон шокшым аралыше эн ныжыл ковай-кочана, кокай-чӱчӱна, акай-изана-влак! Ме палена: Те, пагалыме ветеран-влак, самырыкда годым шке кундемын чапшым пашада дене веле огыл, чыла могырымат нӧлтенда.

Ты кечын «шӧртньӧ ийготан» йолташ-влакымат саламлена. Ты идалыкыште тичмаш лӱмгечым палемдыше да сулен налме радамым пойдарыше коча-кована-влак ончылнат вуйнам савена.

Ме тендам тӱрлӧ илышым, ятыр неле-йӧсым ужшо, чытышашым чытыше марий айдеме да сай пример семын, чолга да ушан кугезына-влакын сомылыштым шуктен толшо да шуйдарыше тукым семын аклена. Тыланда таче тау шомакым каласена. Таза, чоткыдо да кужу ӱмыран лийза!

А ме, самырык тукым, ончыкыжымат кугезе марий сугыньым шукташ да йочана ден уныкана-влаклан ойлен да туныктен шогаш товатлена.

Пайремда дене!

Марий Оньыжа Александров Эдуард Васильевич.