Шергакан туныктышо ден тунемше-влак!

Марий Мер Каҥаш лÿм дене ик эн волгыдо да пиалан пайрем – Шинчымаш кече – дене саламлем.

Шыжын икымше кечынже пӱртӱс мемнам шӧртньӧ лышташыж дене куандара гын, школ йыҥгыр сылне йӱкшӧ дене кумылаҥда да йоча-влакым парт коклашке вераҥаш шижтара. Тыге тӱҥалеш ӱдыр-рвезе-влакын у тунемме ийышт. А тудым пайрем кумылан Шинчымаш кече почеш.

Ты кечын ятыр йоча парт коклашке икымше гана шинчеш, ятыр ӱдыр-рвезе техникум ден училищын, университет ден институтын омсаштым почыт да студент радамыш ушнат.

Туныктышо-влак, шарныза: ача-ава-влак, коча-кова-влак Тендан пашадам аклат. Ме ӱшанена: Те йоча-влакым чын илыш корныш виктараш шке мастарлыкдам, вийдам да жапдам огыда чамане. Ончыкыжымат илыш шолмо дене пырля иктӧр лияш тыланена. Вет лач шинчымаш икшывылан илышыштыже кумда корным почеш, уло тӱням пален налаш полша.

Тунемше-влаклан «визытан» ден «нылытан» отметкылам налаш, у деч у сеҥымашым, усталык шотышто лектышым тыланена. Марий ӱдыр-рвезе-влак ожнысек чолга кушкыныт, эре ончылно лийыныт: тунеммаштат, тӱрлӧ спорт таҥасымаштат, ударле стройкыштат да моло вереат. Теат тиде чапым да марий лӱмдам кӱшнӧ кучыза! Корныда волгыдо лийже, шонымашда-влак шукталтышт!

Пайрем дене!

Марий Оньыжа Александров Эдуард Васильевич.