13 февральыште Мер Каҥашын еҥже, чолга Пошкырт марий Валерий Тимергалеевич Байбулатов 55 ияш шочмо кечыжым палемда.

Валерий Тимергалеевич Пошкырт кундем Мишкан районысо Тигименово ялыште шочын-кушкын. Школ деч вара Башкирийысе ял озанлык институтым тунем пытарен, Уралысе социал-политик институтышто шинчымашым поген. 150-ше №-ан профессионал лицейын директоржо лийын, 2004 ий гыч «Мишкино» историй да тӱвыра рӱдерым вуйлата.

Мер Каҥашын енже-влак Марий Оньыжа Анатолий Иванов дене пырля Валерий Байбулатовын сылне пайремже дене саламлат да пеҥгыде деч пеҥгыде тазалыкым, кужу-кужу ӱмырым, тыгаяк чолгалыкым да уш-акыл писылыкым тыланат.