«Марий сандалык  –  Марийский  мир»  2008  ийыштак  лекташ  тӱҥалын.  Мотор  сӱретан, тӱрлӧ чиян, ятыр темым тарватыше да кок йылме дене ош тӱням ужшо ты савыктыш лудшо-влаклан вигак келшен шинче. Тудым подписке почеш огына колто, а калыклан яра шалатена. Чыла кундемыште илыше марий-влак деке ты журнал миен шужо манын шонена. Шукерте огыл отпуск жаплан шочмо Пошкырт кундемышкем миен коштым. Пеленем савыктышын пытартыш кок номержым пачке дене пыштышым. Икмыняр районыш савырнен, журнал-влакым пуэдышым. Пален нальым: южо вере тудым шукертак лудыт да куанен вучат гын, икмыняр вере ужынат огытыл.

Ирина Степанова, авторын фотожо-влак

Вучыза: вес гана «Марий сандалык – Марийский мир» журнал тендан декат миен шуэш. Лудса тудым, ушдам пойдарыза да марий улмыдам ида мондо!