САЛАМЛЕНА МАРИЙ ОНЬЫЖАМ АЛЕКСАНДРОВ Эдуард Васильевичым шочмо кечыж дене!
Илышда лийже муро гае йоҥгыдо, кече гае волгыдо, вурс гае пеҥгыде, пеледыш гае эреак сӧрал, памаш вӱд гай яндар. Пеленда эреак ТЕНДАМ пагалыше да йӧратыше, умылен моштышо да полшен шогышо лишыл еҥ-влак лийышт. ТАЗА лийза!
АЛЕКСАНДРОВ Эдуард Васильевич 1977 ий ага/ май тылзын 12-шо кечынже Волжский район Сотнур селаште шочын. Йошкар-Оласе тӱвыра да сымыктыш колледжым, Российысе театр сымыктыш академийын актёрский факультетшым (2005), Социальный ден гуманитарный шинчымаш институтым «Юриспруденция» специальность дене заочно тунем пытарен.
М.Шкетан лӱмеш драмтеатр вуйлатышын алмаштышыже (2007-2015) лийын. 2015 ий годсек — Йоча да самырык-влаклан театр-рӱдерын исполнительный директоржо.