Шергакан марий калык!

Мер Каҥаш лӱм дене уло кумылын Марий тиште кече дене саламлем. Тиште кече марий калыкын ик эн кугу пайремже. Тудын историйже акрет годсо пагытышке шуйналтеш – 1775 ий 10 декабрьыште Санкт-Петербургышто ужалымашке икымше марий грамматика «Сочинения, принадлежащие к грамматике черемисского языка» лектын. Кугыжаныш пайрем семын ты пайремым 1998 ий гыч палемдена. Ий гыч ийыш шочмо йылмына пойдаралтеш. Марий йылме дене могай гына книга, мутер возалтын огытыл. Тидыже калыкнан шерге поянлыкше улмым ончыкта. Туге гынат, марий йылме дене мутланыше-влак шагалемыт.

Пагалыме ача-ава, коча-кова-влак! Шочмо йылмына аралалт кодшо манын, ме утларак тыршышаш улына. Икшывынам лач ешыште марла кутыраш туныктышаш улына. Шке пример дене. Шке моторын марла мутланыме дене.

Ешыштыда вашла пагален илыза. Пиалан лийза!

Марий Оньыжа Эдуард Васильевич Александров.